05.06.2009 - 08:19

Viurkenning fyrir tttku nmskeii

Nú hefur fyrsti hópurinn lokið þriggja kennslustunda námskeiði um melrakka í ferðamennsku. Námskeiðið var haldið hjá Fræðslumiðstöð Vestfjarða miðvikudaginn 3. júní en vegna bilunar í fjarfunarbúnaði var aðeins hægt að fylgjast með á Ísafirði. 
Á námskeiðinu Var fjallað um melrakkann sem auðlind sem hægt er að virkja og nýta í sjálfbærri náttúrulífs-ferðamennsku á Íslandi. Um er að ræða þrjár kennslustundir. Í þeirri fyrstu er fjallað um tegundina sem slíka, líffræði, útbreiðslu og aðlögun að lífi á heimskautasvæðum. Önnur kennslustundin fjallar um hvar dýrin er helst að finna, vísbendingar um ferðir þeirra, hegðun og útlit, einkenni og „týpur". Fjallað verður um hvernig ber að umgangast villta refi og hvað ber að varast. Að lokum er farið yfir gildandi lög og reglur um villt dýr í náttúru Íslands. 

Þátttakendur fá viðurkenningu á að hafa lokið þessu námskeiði og mun það væntanlega koma þeim vel sem hafa hug á að stunda náttúrulífsferðamennsku hérlendis. 
25.05.2009 - 17:22

Nmskei

Fyrsta námskeið Melrakkaseturs Íslands verður haldið 3. júní í samstarfi við Fræðslumiðstöð Vestfjarða.
Námskeiðið er ætlað fyrir leiðsögumenn og aðra sem ferðast um í íslenskri náttúru og langar að kynnast þessu fágæta dýri sem melrakkinn er.
Fjallað verður um líffræði tegundarinnar, útbreiðslu, búsvæðaval og lífshætti ásamt því að kynna hvernig hægt er að kynnast dýrunum án þess að valda þeim skaða eða of mikilli truflun.

Á vef Fræðslumiðstöðvarinnar má sjá lýsingu á námskeiðinu og hægt er að skrá sig hér   
Vefumsjn