03.07.2009 - 16:43

Nżr starfsmašur

Melrakkasetrið hlaut styrk frá Nýsköpunarsjóði námsmanna HÍ til að ráða nemanda í verkefni í sumar. Verkefnið er hönnun og uppsetning sýningar um veiðimenn fyrir Melrakkasetrið í Eyrardal. Það er Auður Alfífa Ketilsdóttir, nemandi í hagnýtri menningarmiðlun við Háskóla Íslands, sem var ráðin í verkefnið. Leiðbeinandi er Eggert Þór Bernharðsson dósent við Hagnýta menningarmiðlun við HÍ og Umsjónarmaður er Ester Rut Unnsteinsdóttir Melrakkasetri.
Við bjóðum Fífu velkomna í Súðavíkina og hlökkum til samstarfs í sumar og kannski lengur ..
03.07.2009 - 16:13

Komin śr annari feršinni ķ Hornvķk

Ein af spöku tófunum ķ Hornvķk
Ein af spöku tófunum ķ Hornvķk
« 1 af 2 »
Síðastliðna viku dvaldi Ester Rut með tökuliði frá Frakklandi og Þýskalandi í Hornvík. Marie-Helene Baconnet er að vinna að heimildarþætti um tófuna og áhrif loftlagsbreytinga á lífshætti tegundarinnar, á Íslandi, í N-Noregi og í Kanada. 
Hér fyrir vestan lifa tófur mest á fugli og eggjum á grenjatíma en annars eru þær alætur og éta mikið af skordýrum (aðallega lirfur), berjum og hræjum sem þær rekast á. Á öðrum tökusvæðum myndarinnar lifa tófur á læmingjum fyrst og fremst en snúa sér að öðru þegar læmingjar eru í lágmarki. Breytingar á loftslagi með hlýnun og óstöðugu veðurfari gætu haft áhrif á fæðuframboð á öllum þessum svæðum og er þess virði að fylgjast með öllum breytingum í lífsháttum þessa dýrs sem hefur sérhæft sig í að lifa af sult og fimbulkulda heimskautavetrarins.
Tökur gengu vel í Hornvík enda hafa tófurnar þar góða reynslu af ferðamönnum og taka þátt í kvikmyndavinnunni eins og sannar stjörnur. Franski leiðangurinn hafði einnig dvalið í Vigur og fylgst með æðavarpinu þar og lundabyggðinni og eru nú í Dýrafírði með Valdimari Gíslasyni og Kidda Valda frá Flateyri, að fylgjast með því hvernig æðavarp er varið fyrir tófugangi.
Það er áhugavert að fylgjast með hvernig heimilarmyndir eru unnar og þessi mun vonandi verða góð kynning fyrir Vestfirði og hið fábreytta en áhugaverða dýralíf sem þeir hafa upp á að bjóða.
 
Vefumsjón