07.09.2009 - 09:41

Myndir og kvennaing

Mrauur yrlingur. Mynd ERU
Mrauur yrlingur. Mynd ERU
« 1 af 3 »
Við höfum fengið fyrstu viðbrögð við óskum um myndir af refum sem þið hafið hitt í sumar. Það er hann Jim Lamont frá Ottawa í Kanada sem sendi myndir af yrðlingum sem hann hitti í Hornvík í sumar. Glæsilegar myndir en okkur langar líka í myndir frá "venjulegu fólki" sem hitti rebba á ferðum sínum, helst ef skemmtileg ferðasaga gæti fylgt með.

Á laugardaginn síðasta var Melrakkasetrinu boðið á kvennaþing í Heydal síðastliðinn laugardg. Þar voru samankomnar eitthvað á fimmta tug kvenna úr kvenfélögum af öllum Vestfjörðum. Ester fór á staðinn og sagði þeim frá ævintýrinu um Melrakkasetrið, lífshætti refanna og fleira fróðlegt.
Margar þessara kvenna eru nátengdar refum og refaveiðimönnum, bæði úr fortíðinni og í nútíð og gátu sagt frá ýmsu skemmtilegu sem gaman væri að eiga í frásagnasafninu okkar á Melrakkasetrinu.
Við erum afar ánægð með að fá að hitta þessar frábæru kvenfélagskonur sem láta hvergi deigan síga í að bæta samfélagið og láta gott af sér leiða. Það er magnað að finna kraftinn og samtakamáttinn þegar svona margar öflugar konur koma saman. Víst er að íslenskt þjóðfélag nýtur góðs af starfi þessara kvenna sem vinna sitt öfluga starf að mestu bak við tjöldin og er þeim líklega sjaldan þakkað nógsamlega fyrir.
31.08.2009 - 10:36

skum eftir myndum og sgum

Geispandi tfa vi tjaldsti  Hornvk: Frank Drygala
Geispandi tfa vi tjaldsti Hornvk: Frank Drygala
Á ferðum okkar í sumar hittum við fjöldann allan af fólki sem hafði sögu að segja af samskiptum sínum við refina á Hornströndum. Okkur langar að biðja ykkur að senda okkur myndir og gjarnan stuttar sögur til að setja hér á vefinn. Ef þið eruð feimin þá þarf nafn ykkar ekki að koma fram með sögunni en auðvitað verða myndirnar merktar höfundi. Endilega senda myndir og sögur og leyfið öðrum að njóta ..
Vefumsjn